მაკა ბოჭორიშვილი ოპოზიციას - რატომ არის უცხოელობა ის ერთადერთი კრიტერიუმი, რომელიც ვინმეს უფლებას აძლევს ქართველ მოსამართლეს კეთილსინდისიერება დაუწუნოს?

რატომ არის უცხოელობა ის ერთადერთი კრიტერიუმი, რომელიც ვინმეს უფლებას აძლევს ქართველ მოსამართლეს კეთილსინდისიერება დაუწუნოს? - ასე მიმართა პარლამენტის ევროპასთან ინტეგრაციის კომიტეტის თავმჯდომარემ მაკა ბოჭორიშვილმა პარლამენტის პლენარულ სხდომაზე ოპოზიციას.

მისი თქმით, ოპოზიცია ნოყიერ ნიადაგს უქმნის ყველაფერს, რაც ქვეყნის სუვერენიტეტის შერყევისკენ არის მიმართული.

„კეთილსინდისიერების აუცილებლობაზე არავინ დავობს და ყველა ველოდებით, რომ მოსამართლე უნდა იყოს კეთილსინდისიერი! როდესაც უცხოელი ექსპერტების ჩართვით, სუვერენული სახელმწიფოს მოსამართლის კეთილსინდისიერების შემოწმებას ითხოვთ, მიჩნდება ასეთი კითხვები, რატომ არის უცხოელობა ის ერთადერთი კრიტერიუმი, რომელიც ვინმეს უფლებას აძლევს ქართველ მოსამართლეს დაუწუნოს კეთილსინდისიერება? რომელი ევროპული სტანდარტით და წესით ხდება უცხოელი ექსპერტების შერჩევა, რომლებსაც აქვთ კეთილსინდისიერების ის ხარისხი, რომ სხვა სუვერენული ქვეყნის მოსამართლის კეთილსინდისიერება შეამოწმონ? რით განსხვავდება ქართული სასამართლოს წინაშე მდგარი გამოწვევები ევროპის რომელიმე ქვეყნის სასამართლოს წინაშე მდგარი გამოწვევებისგან, იმისათვის რომ ასეთი ექსპერიმენტული მიდგომების გამოყენებას ითხოვთ, რაც ფაქტობრივად სასამართლოს დამოუკიდებლობის გაუქმებას და გაურკვეველი კრიტერიუმებით და წესებით მოვლენილი, უცხოელი ექსპერტებისათვის გადაბარებას ნიშნავს?“,- განაცხადა მაკა ბოჭორიშვილმა.

მაკა ბოჭორიშვილის თქმით, ორი კვირის წინ ყველამ კარგად ნახა, რომ ოპოზიციის 4 წარმომადგენელს შორის, არც ერთს აღმოაჩნდა ნება, ხელი მოეწერა საქართველოს ინტერესების დამცველი რეზოლუციისთვის.

„ეს იყო ზუსტი პასუხი კითხვაზე, სინამდვილეში, როგორ გადარდებთ საქართველოს ევროპული მომავალი“, - განაცხადა მაკა ბოჭორიშვილმა.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე