ეკა ბესელია - სისტემური დანაშაულისას მთავარი მოძალადე მოსამართლე ხდება, როგორ შეიძლება ის მსხვერპლი იყოს? – მაფიოზური დაჯგუფება იუსტიციის საბჭოდან და უზენაესი სასამართლოდან გვემუქრება

სისტემური დანაშაულის დროს მთავარი მოძალადე მოსამართლე ხდება - ვუყურებ მაფიოზურ დაჯგუფებას, რომელიც ხან უზენაეს სასამართლოში, ხან იუსტიციის საბჭოში იკრიბება და იქიდან გვემუქრება იმით, თუ ვის ხელშია დღეს ძალაუფლება , - ამის შესახებ პარტია „სამართლიანობისთვის“ ლიდერმა ეკა ბესელიამ განაცხადა.

ამით მან შეაფასა ყოფილი პრემიერ-მინისტრის ირაკლი ღარიბაშვილის განცხადება იმასთან დაკავშირებით, რომ მოსამართლეები - ლევან მურუსიძე და მიხეილ ჩინჩალაძე სისტემის მსხვერპლი იყვნენ.

როგორც ეკა ბესელიამ „პალიტრანიუსის“ გადაცემა „პოლიტიკურ სივრცეში“ აღნიშნა, რადგან მოსამართლეები ადამიანების ბედს წყვეტენ, რამდენჯერაც მოინდომებენ მათი კეთილსინდისიერების გაზომვას, იმდენჯერ უნდა დათანხმდნენ, რათა მათდამი ნდობა არ შეილახოს.

„სისტემური დანაშაულის დროს მთავარი მოძალადე მოსამართლე ხდება. მას ბოლო სიტყვა აქვს, საქართველოს სახელით განაჩენი გამოაქვს, როგორ შეიძლება ის მსხვერპლი იყოს? სააკაშვილი უკანონო ბრძანებებს გასცემდა, მაგრამ ვინ ასრულებდა მათ? მსხვერპლი უსამართლოდ გასამართლებული პატიმარია და არა მოსამართლე. როცა ადამიანების ბედს წყვეტ, რამდენჯერაც მოინდომებენ შენი კეთილსინდისიერების გაზომვას, იმდენჯერ უნდა დაეთანხმო, რათა ეს ნდობა არ შეილახოს. ვუყურებ მაფიოზურ დაჯგუფებას, რომელიც ხან უზენაეს სასამართლოში, ხან იუსტიციის საბჭოში იკრიბება და იქიდან გვემუქრება იმით, თუ ვის ხელშია დღეს ძალაუფლება.

საქართველომ სტრასბურგის სასამართლოში ბოლო პერიოდში ბევრი საქმე წააგო. სასამართლოში ერთმანეთს ნათესავები რომ ნიშნავენ, ეს კორუფციული სისტემის მანიშნებელია. მოსამართლეთა შემოსავალი ფიქსირებული ხელფასია და როდესაც უცებ, ერთ წელიწადში რამდენიმე მილიონით მდიდრდებიან, ეკითხებიან თანხის წარმომავლობას და ვერ ადასტურებენ, ეს ხომ უნდობლობის ძალიან დიდი საფუძველია.

თითქოს „ვეტინგის“ სისტემა მათ სუვერენიტეტს საფრთხეს უქმნის, ასე პუტინი ლაპარაკობს. მან რუსეთს ევროსაბჭო დაატოვებინა, რადგან თქვა, რომ ევროსაბჭოს საფუძველზე შემდგარი სტრასბურგის სასამართლოს გადაწყვეტილებები ჩემი სუვერენიტეტის შელახვააო“, - განაცხადა ეკა ბესელიამ.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე