ჯო ბაიდენი - ისრაელი არ აკეთებს საკმარისს ღაზაში ჰუმანიტარული დახმარების მუშაკებისა და მშვიდობიანი მოსახლეობის დასაცავად

აშშ-ის პრეზიდენტი ჯო ბაიდენი აცხადებს, რომ ისრაელი საკმარისს არ აკეთებს ჰუმანიტარული დახმარების მუშაკების დასაცავად.

აშშ-ის პრეზიდენტი ასევე ითხოვს, ისრაელმა სწრაფი გამოძიება ჩაატაროს თავდასხმის შესახებ, რომელსაც საქველმოქმედო ორგანიზაცია World Central Kitchen-ის 7 თანამშრომელი ემსხვერპლა.

”ეს კონფლიქტი ერთ-ერთი ყველაზე უარესია, ბოლო პერიოდის მეხსიერებაში, დაღუპული ჰუმანიტარული დახმარების მუშაკების რაოდენობის თვალსაზრისით“, - აღნიშნა ბაიდენმა.

მისი შეფასებით, World Central Kitchen-ზე თავდასხმა არ იყო „იზოლირებული ინციდენტი“ და რომ ღაზაში ბოლო ექვს თვეში დაღუპული ჰუმანიტარული დახმარების მუშაკების რიცხვი თითქმის სამჯერ აღემატება ნებისმიერ სხვა კონფლიქტში ერთი წლის განმავლობაში დაფიქსირებულ მაჩვენებელს.

"აღშფოთებული და გულგატეხილი ვარ. ეს არის მთავარი მიზეზი, რის გამოც ღაზაში ჰუმანიტარული დახმარების განაწილება ასე რთულია – იმიტომ, რომ ისრაელი არ აკეთებს საკმარისს დახმარების მუშაკების დასაცავად, რომლებიც ცდილობენ უკიდურესად საჭირო დახმარების მიწოდებას მშვიდობიანი მოსახლეობისთვის. ისრაელი ასევე არ აკეთებს საკმარისს იმისათვის, რომ დაიცვას მშვიდობიანი მოსახლეობა“, - აღნიშნა ბაიდენმა.

ცნობისთვის, გაერო-ს მაღალჩინოსანმა ღაზაში ჰუმანიტარული დახმარების კოორდინაციის საკითხზე ჯეიმი მაკგოლდრიკმა გუშინ განაცხადა, რომ ღაზაში ისრაელსა და ჰამასს შორის ომის დაწყების შემდეგ 200-ზე მეტი ჰუმანიტარული დახმარების მუშაკი დაიღუპა.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო