შალვა პაპუაშვილი - რომ არა შემოპარვა საქართველოში, მიხეილ სააკაშვილი დღესაც უკრაინაში იქნებოდა და იქიდან არევდა

ცდილობენ შექმნან აღქმა, თითქოს, საზოგადოებაში ორი აზრი არსებობს და ის გახლეჩილია ისეთ საკითხებზე, მაგალითად, მიხეილ სააკაშვილი დამნაშავეა თუ არა, - ამის შესახებ პარლამენტის თავმჯდომარე შალვა პაპუაშვილმა „პალიტრანიუსის“ გადაცემა „360 გრადუსში“ განაცხადა.

როგორც მან აღნიშნა, მიხეილ სააკაშვილის ჯანმრთელობის მდგომარეობის შესახებ დეზინფორმაციას მღელვარების შესაქმნელად ავრცელებდნენ და ამ თემით საზოგადოების ნაწილს, ჯერ კიდევ აბნევენ და აეჭვებენ.

მიხეილ სააკაშვილი დღესაც უკრაინის პრეზიდენტის რეფორმების საბჭოს თავმჯდომარეა. რომ არა მისი შემოპარვა საქართველოში, ის დღესაც უკრაინაში იქნებოდა და იქიდან არევდა ქართულ პოლიტიკურ სიტუაციას.

ცდილობენ შექმნან აღქმა, თითქოს, საზოგადოებაში ორი აზრი არსებობს და ის გახლეჩილია ისეთ საკითხებზე, მაგალითად, მიხეილ სააკაშვილი დამნაშავეა თუ არა. ასევე, ზურაბ ადეიშვილი დამნაშავეა თუ არა.

ის, რომ მიხეილ სააკაშვილის ჯანმრთელობის მდგომარეობაზე ერთი ამბავი იყო ატეხილი და ამბობდნენ, კვდებაო, აღმოჩნდა თუ არა ეს ტყუილი? იყო თუ არა ეს მაშინ მღელვარების გამოწვევის მიზეზი? წარმოგიდგენიათ, რა დონის დეზინფორმაციაა, როდესაც ამბობდნენ, რომ ადამიანს დემენცია ჰქონდა და ახლა თითქოს ამ უკურნებელი სენისგან განიკურნა. სად არის ბოდიში და წუხილი? იცით რატომ არ არის? იმიტომ, რომ ჯერ კიდევ, საზოგადოების ნაწილს, აბნევენ და აეჭვებენ. მათ სურთ ყვირილით საღი აზრი ჩაახშონ“, - განაცხადა შალვა პაპუაშვილმა.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
წინანდლის მამულში საგაზაფხულო სეზონი კულტურული ღონისძიებებით გაიხსნა