რუსებმა ხარკოვზე დრონებით იერიში მიიტანეს, დაიღუპა სამი მაშველი
ხარკოვზე დრონებით განმეორებითი თავდასხმის შედეგად სამი მაშველი დაიღუპა, - ამის შესახებ ინფორმაციას უკრაინული მედია ხარკოვის მერ იგორ ტერეხოვსა და საოლქო-სამხედრო ადმინისტრაციის ხელმძღვანელ ოლეგ სინეგუბოვზე დაყრდნობით ავრცელებს.
„სამი გარდაცვლილია, წინასწარი ინფორმაციით - ყველა მათგანი საგანგებო სიტუაციების სამსახურის თანამშრომელი, რომლებიც საცხოვრებელი კორპუსების დაბომბვის შედეგების აღმოსაფხვრელად მივიდნენ“, - აღნიშნა ხარკოვის მერმა.
ოლეგ სინეგუბოვმაც დაადასტურა, რომ სამივე დაღუპული მაშველია.
„ხარკოვზე ოკუპანტების მიერ განხორციელებული განმეორებითი თავდასხმის დროს სამი მაშველი დაიღუპა“, - აღნიშნა ხარკოვის საოლქო-სამხედრო ადმინისტრაციის ხელმძღვანელმა და დასძინა, რომ დაშავებულია კიდევ ერთი მაშველი.
