ლევან დავითაშვილი - დაგროვებითი საპენსიო სისტემა უმნიშვნელოვანესია საქართველოს მოსახლეობის ეკონომიკური მდგომარეობის გრძელვადიანი სტაბილურობის უზრუნველსაყოფად

სავალდებულო დაგროვებითი საპენსიო სისტემა არის ერთ-ერთი მნიშვნელოვანი რეფორმა, რომელიც ჩვენმა ხელისუფლებამ ბოლო წლებში განახორციელა - ის მნიშვნელოვანია როგორც ეკონომიკისთვის, ასევე საქართველოს მოსახლეობის ეკონომიკური მდგომარეობის გრძელვადიანი სტაბილურობის უზრუნველსაყოფად, - ამის შესახებ პირველმა ვიცე-პრემიერმა, ეკონომიკისა და მდგრადი განვითარების მინისტრმა, ლევან დავითაშვილმა საპენსიო სააგენტოს 2023 წლის და ბოლო 5 წლის საინვესტიციო საქმიანობის ანგარიშის პრეზენტაციაზე სიტყვით გამოსვლისას განაცხადა.

პირველი ვიცე-პრემიერის თქმით, შემდეგი ამოცანა არის საპენსიო დანაზოგების კიდევ უფრო მეტი ეფექტურობით გამოყენება ეკონომიკაში, უპირველესად, პენსიონერების ინტერესების გათვალისწინებით, რადგან, მინისტრის შეფასებით, ყველაზე მთავარი მიზანია, პენსიონერებმა სტაბილურად მიიღონ დანაზოგებზე მეტი შემოსავალი და ეს ემსახურებოდეს ჩვენი ქვეყნის ეკონომიკას, როგორც გრძელვადიანი საინვესტიციო რესურსი.

„ჩვენმა ხელისუფლებამ დაიწყო უმნიშვნელოვანესი, ძალიან მგრძნობიარე რეფორმა, თუმცა, ეს არის გრძელვადიანი პროცესი, რომ ქვეყანაში ჩამოყალიბდეს მეორე საფეხურის საპენსიო სისტემა, რომელიც დაგროვებითი საპენსიო სისტემის ერთ-ერთი მნიშვნელოვანი ნაწილია. გასულ წელს ნებაყოფლობითი დაგროვებითი საპენსიო სისტემის კანონმდებლობა მივიღეთ და საშუალებას ვაძლევთ მოსახლეობას, რომ ე.წ. „მესამე პილარშიც“ ანუ მესამე ბლოკშიც მიიღონ მონაწილეობა კონკრეტულმა დასაქმებულებმა იმისთვის, რომ კიდევ უფრო მეტი იყოს მათი დანაზოგი საპენსიო ასაკისთვის. თუმცა, დაგროვებითი საპენსიო სისტემის ქვაკუთხედი არის სავალდებულო საპენსიო სისტემა, რომელიც შემოვიღეთ, ამიტომ ჩვენი მიდგომა იყო საკმაოდ ფრთხილი და დაბალანსებული, რომ დღემდე მოვსულიყავით“ - აღნიშნა ლევან დავითაშვილმა.

მისივე შეფასებით, საპენსიო სააგენტოს 5 წლის საინვესტიციო საქმიანობა იყო ძალიან წარმატებული.

„მილიარდ ლარზე მეტია ამონაგები, რეალური მოგებაც საკმაოდ მნიშვნელოვანია. პრეზენტაციაში იყო ნათქვამი, რომ oecd-ის კვლევის მიხედვით, საქართველო პირველ ადგილზეა ნომინალური საინვესტიციო შემოსავლებით, ასევე რეალური შემოსავლებითაც საქართველო ერთ-ერთი ლიდერია, შესაბამისად, ჩვენი მოსახლეობის საპენსიო სააგენტოში დაგროვილი დანაზოგები არის ყველაზე უფრო ეფექტიანად მართული დღევანდელ პირობებში“, - განაცხადა მინისტრმა.

როგორც ღონისძიებაზე აღინიშნა, 2023 წელს საკმაოდ მნიშვნელოვანი ცვლილებები განხორციელდა დაგროვებითი პენსიის შესახებ საქართველოს კანონში, გადაიხედა საინვესტიციო წესები და მოთხოვნები, რომლებიც შესაბამისობაში მოვიდა ბოლო 5 წლის განმავლობაში კაპიტალის ბაზრის განვითარების მიმართულებით განხორციელებულ ცვლილებებთან - დაიხვეწა აღსრულების მექანიზმი და რისკის მართვის ჩარჩო. პრეზენტაციაზე ითქვა, რომ აღნიშნული ცვლილებები ხელს შეუწყობს საპენსიო სააგენტოს, სწორად და საერთაშორისო საუკეთესო პრაქტიკის შესაბამისად მართოს მოქალაქეების დანაზოგები და დაგროვილი კაპიტალი კიდევ უფრო ეფექტიანად მოხმარდეს ქართულ ეკონომიკას.

ინფორმაციას ეკონომიკისა და მდგრადი განვითარების სამინისტრო ავრცელებს.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 27.05.2024
2024 წლის ახალი ტოიოტა ლენდ კრუიზერ პრადო - სულ მალე საქართველოში
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე