გუბერნატორი - როსტოვში, დრონის აფეთქების შედეგად, 8 ადამიანი დაშავდა
როსტოვის ოლქში დრონის აფეთქების შედეგად რვა ადამიანი დაშავდა, - ამის შესახებ რუსული მედია რეგიონის გუბერნატორზე, ვასილ გოლუბევზე დაყრდნობით იუწყება.
„მოროზოვსკის რაიონში, აეროდრომიდან არც თუ ისე შორს, ერთ-ერთ ჩამოვარდნილ უპილოტო საფრენ აპარატზე ასაფეთქებელი მოწყობილობის აფეთქების შედეგად, წინასწარი მონაცემებით, რვა ადამიანი დაშავდა“, - აცხადებს გუბერნატორი.
მანამდე, Reuters-მა სანდო წყაროზე დაყრდნობით გაავრცელა ინფორმაცია, რომ უკრაინამ როსტოვის ოლქში, რუსეთის მოროზოვსკის სამხედრო ავიაბაზას შეუტია, რის შედეგადაც განადგურდა ექვსი და დაზიანდა კიდევ 8 რუსული სამხედრო თვითმფრინავი.
