„ჯორჯიან უოთერ ენდ ფაუერი“ გლდანის რაიონში, ფიროსმანისა და სააკაძის ქუჩებზე წყალსადენის ქსელის სისტემური გაუმჯობესების მიზნით სარეაბილიტაციო სამუშაოებს ატარებს.

„ჯორჯიან უოთერ ენდ ფაუერის“ ინფორმაციით, რეაბილიტაციის ფარგლებში ახლით იცვლება 2 კილომეტრზე მეტი სიგრძის მოძველებული წყალსადენის მაგისტრალური და გამანაწილებელი ქსელები, ახალ ქსელზე დამონტაჟდება 10 ჩამკეტ-მარეგულირებელი ურდული და მოეწყობა 10 სახანძრო ჰიდრანტი.

„სარეაბილიტაციო პროექტი მიმდინარე წლის თებერვლის თვეში დაიწყო და ივნისში დასრულდება, რაშიც კომპანია ჯამში 600 000 ლარამდე ინვესტიციას ახორციელებს.

პროექტის შედეგად, გლდანის რაიონში, ფიროსმანის, სააკაძისა და მიმდებარე ქუჩების მოსახლეობას წყალმომარაგების ხარისხი მნიშვნელოვნად გაუუმჯობესდება.

წყალმომარაგებისა და წყალარინების ინფრასტრუქტურის განახლება და განვითარება „ჯივიპის“ ერთ-ერთი პრიორიტეტული მიმართულებაა. სარეაბილიტაციო სამუშაოებს კომპანია ყოველწლიურად, გეგმის მიხედვით, აქტიურად რეჟიმში განახორციელებს“, - აღნიშნულია ინფორმაციაში.