რუსეთში, ორენბურგის ოლქის ქალაქ ორსკში კაშხლის გარღვევის შემდეგ, წყალდიდობის შედეგად, 3 ადამიანი დაიღუპა.

ამის შესახებ ინფორმაციას რუსული სახელმწიფო საინფორმაციო სააგენტო TASS-ი ოპერატიულ სამსახურებზე დაყრდნობით ავრცელებს.

„სამი ადამიანის ცხედარი იპოვეს: ორი ქუჩაში და ერთი სახლში. ამ უკანასკნელმა პარასკევს საღამოს ევაკუაციაზე უარი განაცხადა“, - წერს TASS-ი.

TASS-ის ცნობით, ორსკში 2400-ზე მეტი სახლი დაიტბორა და 711 ადამიანის ევაკუაცია განხორციელდა.