თბილისში, ბოჭორმის ქუჩაზე აფეთქება მოხდა.

არსებული ინფორმაციით, აფეთქება ერთ-ერთი სასროლეთის ტერიტორიაზე მოხდა.

ადგილზე, მობილიზებულია საგანგებო სიტუაციების მართვის სამსახურის ჯგუფები და პოლიცია. ტერიტორია ყვითელი ლენტით არის შემოსაზღვრული. ამ დროისთვის, დაშავებულების შესახებ ინფორმაცია არ ვრცელდება.

შემთხვევის ადგილზე „ინტერპრესნიუსის" ჯგუფი იმყოფება და დამატებით ინფორმაციას მიღებისთანავე შემოგთავაზებთ.