რუსეთის საგარეო საქმეთა მინისტრი, სერგეი ლავროვი ხვალ ჩინეთს ეწვევა. ამის შესახებ რუსეთის საგარეო საქმეთა სამინისტრო იუწყება.

სამინისტროს ცნობით, ვიზიტის ფარგლებში, ლავროვსა და მის ჩინელ კოლეგას, ვანგ ის შორის მოლაპარაკებები მოიცავს ორმხრივი თანამშრომლობის საკითხებს, ასევე "ცხელ თემებს", როგორიცაა უკრაინისა და აზია-წყნარი ოკეანის რეგიონის კრიზისი.

Reuters-მა მარტში გაავრცელა ინფორმაცია, რომ რუსეთის პრეზიდენტი ვლადიმერ პუტინი მაისში ჩინეთში ჩავა და პრეზიდენტ სი ძინპინს შეხვდება, რაც ახალი ვადით გაპრეზიდენტების შემდეგ პუტინის პირველი საგარეო ვიზიტი იქნება.