რუსეთის საგარეო საქმეთა მინისტრი, სერგეი ლავროვი პეკინში ჩავიდა, - ინფორმაციას უკრაინული მედია ავრცელებს.

მათივე ინფორმაციით, ლავროვი ჩინეთში 9 აპრილამდე დარჩება და ჩინელ კოლეგას, ვანგ ის შეხვდება.

რუსული მედია იუწყება, რომ მინისტრები განიხილავენ ორმხრივი თანამშრომლობის, ურთიერთობისა და მუშაობის საკითხებს გაერო-ში, შანხაის თანამშრომლობის ორგანიზაციაში, BRICS-ში, „დიდ ოცეულში“, ასევე რეგიონულ საკითხებს, მათ შორის რუსეთ-უკრაინის კონფლიქტსა და აზია-წყნარი ოკეანის რეგიონში არსებულ ვითარებას.