უკრაინის საჰაერო ძალების ინფორმაციით, რუსების მიერ გაშვებული ყველა დრონი ჩამოაგდეს.

უკრაინის საჰაერო ძალების მეთაურის, ნიკოლაი ოლეშჩუკის ცნობით, რუსებმა სულ Shahed-ის ტიპის 20 დრონი და ოთხი S-300 საზენიტო მართვადი რაკეტა გაუშვეს.

უკრაინელებმა რუსების მიერ გაშვებული დრონები ნიკოლაევის, ოდესის, ხერსონის, დნეპროპეტროვსკის, პოლტავის, ვინიცისა და ლვოვის ოლქებში გაანადგურეს.

რუსების საჰაერო თავდასხმის მოგერიებაში უკრაინის თავდაცვის ძალების მობილური საცეცხლე ჯგუფები და საზენიტო სარაკეტო დანაყოფები მონაწილეობდნენ.