თურქეთი ისრაელს სავაჭრო შეზღუდვებს უწესებს
თურქეთი ისრაელს სავაჭრო შეზღუდვებს უწესებს, - ამის შესახებ ინფორმაციას თურქეთის ვაჭრობის სამინისტრო ავრცელებს.
„ეს გადაწყვეტილება ძალაში იქამდე დარჩება, სანამ ისრაელი ცეცხლის შეწყვეტას არ გამოაცხადებს და ღაზაში ჰუმანიტარული დახმარების შესაბამის და შეუფერხებელ ნაკადს არ დაუშვებს“, - აცხადებს თურქეთის ვაჭრობის სამინისტრო.
თურქეთის ვაჭრობის სამინისტროს გადაწყვეტილება, ისრაელში 54 სხვადასხვა კატეგორიის პროდუქციის ექსპორტზე შეზღუდვების დაწესებას ითვალისწინებს.
თურქეთის მიერ დაწესებული შეზღუდვები ძალაში მას შემდეგ შევიდა, რაც გუშინ თურქეთის საგარეო საქმეთა მინისტრმა, ჰაკან ფიდანმა განაცხადა, რომ იგი ისრაელის წინააღმდეგ შესაბამის ზომებს მიიღებდა, რადგან, როგორც თვითონ აღნიშნა, ისრაელმა თურქეთს ღაზის სექტორისთვის ჰუმანიტარული დახმარების საჰაერო გზით მიწოდების საშუალება არ მისცა.
