ირაკლი კუპრაძე - ეს „რუსული კანონი“ არბევს დღეს ქართულ დემოკრატიას და იმ მნიშვნელოვან სამოქალაქო სივრცეს, რომელიც 30 წლის განმავლობაში ბევრი შრომით შეიქმნა - „ქართული ოცნების“ მიზანი გამჭვირვალობა არ არის
ეს „რუსული კანონი“ არბევს დღეს ქართულ დემოკრატიას და იმ მნიშვნელოვან სამოქალაქო სივრცეს, რომელიც 30 წლის განმავლობაში ბევრი შრომით შეიქმნა, - ამის შესახებ პარტია „ლელოს” გენერალურმა მდივანმა, ირაკლი კუპრაძემ განაცხადა.
მისივე თქმით, საზოგადოებას ერთადერთი რამ დარჩენია, რომ სტაბილური, რუტინული წინააღმდეგობა გაუწიოს „რუსულ კანონს”.
„ეს „რუსული კანონი” არბევს დღეს ქართულ დემოკრატიას და იმ მნიშვნელოვან სამოქალაქო სივრცეს, რომელიც 30 წლის განმავლობაში ბევრი შრომით შეიქმნა. საზოგადოებას ერთადერთი რამ დარჩენია, რომ სტაბილური, რუტინული წინააღმდეგობა გაუწიოს „რუსულ კანონს”. წინააღმდეგ შემთხვევაში, ამ ქვეყანაში დემოკრატიის, სიტყვის თავისუფლების სივრცე აღარ დარჩება. „რუსული კანონი” არანაირ კავშირში არ არის ჩვენს პარტნიორ ქვეყნებში არსებულ სხვა ტიპის კანონებთან. ეს შინაარსობრივად რუსული კანონია. “ქართული ოცნების” მიზანი გამჭვირვალობა არ არის”, - განაცხადა ირაკლი კუპრაძემ.
