მამუკა მდინარაძე „უცხოური გავლენის გამჭვირვალობის შესახებ“ კანონპროექტზე - ნამდვილად არ ველოდები არანაირ სანქციას - შეუძლებელია სანქცია იმ ქვეყნიდან, რომელ ქვეყანაშიც უფრო მკაცრი კანონი მოქმედებს ამ მიმართულებით

საპარლამენტო უმრავლესობის ლიდერის, მამუკა მდინარაძის განცხადებით, „უცხოური გავლენის გამჭვირვალობის შესახებ“ კანონპროექტის მიღების გამო, ის ქვეყნისთვის სანქციების დაწესებას არ ელოდება.

როგორც მან ჟურნალისტებს განუცხადა, თუ მაინც ვიღაცამ ამის გამო ქვეყნისთვის სანქციების დაწესება განიხილა, ეს იქნება უსამართლობა.

მისივე თქმით, წარმოუდგენელი უსამართლობაა გააკრიტიკო სხვა პატარა ქვეყანა იმისთვის, რაც შენს ქვეყანაში მისაღებია.

„ნამდვილად არ ველოდები არანაირ სანქციას, იმიტომ, რომ შეუძლებელია სანქცია იმ ქვეყნიდან, რომელ ქვეყანაშიც უფრო მკაცრი კანონი მოქმედებს ამ მიმართულებით. თუ ეს ვიღაცამ თეორიულად მაინც განიხილა, ეს იქნება წარმოუდგენელი უსამართლობა. რადგან იმ ქვეყანაში, სადაც ამ მიმართულებით კიდევ უფრო მკაცრი კანონია, იმავესთვის სხვას სანქცია დაუწესოს წარმოუდგენელია, რომ ამას ვინმე დაუშვებს. წარმოუდგენელია, ვინმემ იფიქროს, რომ ახლა ჩვენს ქვეყანაში რაც მოქმედებს, ის თუ პატარა ქვეყანამ გააკეთა და იკადრა იგივე, თუნდაც უფრო ლოიალური ფორმით, ჩვენ ამისთვის სანქცია დავუწესოთ, ასეთი უსამართლობა წარმოუდგენელია.

ჩვენ ვისმენთ მწვავე კრიტიკას, ჩვენი მეგობარი ქვეყნების ცალკეული წარმომადგენლებისგან, მათ შორის ოფიციალურ დონეზეც. ერთადერთი განსხვავება შარშანდლისგან არის ის, რომ ისინი აღარ ეძახიან რუსულს, ყველა მიხვდა, რომ ეს არის საუკუნის აფიორა. ამის შედარება, რაც დავაინიცირეთ, რუსულთან არის წარმოუდგენელი თაღლითობა. ჩვენი პარტნიორებიც დარწმუნდნენ, რომ ამას რუსული არ უნდა დაუძახონ. რამდენი დღეა დაინიცირებულია და კომუნიკაციაში სიტყვა "რუსული" გაქრა, მაგრამ ვისმენთ მწვავე კრიტიკას, რაც ჩვენი შეფასებით არის წარმოუდგენელი უსამართლობა, როგორიც იყო კანდიდატის სტატუსის არ მოცემა თავის დროს. შემდეგ ამისთვის ვიბრძოლეთ, მივიღეთ კანდიდატის სტატუსი. მარტივად ჩვენთან არაფერი მოდის. ამ ქვეყნისთვის, როგორც ჩანს, არაფერი იქნება მარტივად. არც დამოუკიდებლობის ხარისხის გაძლიერება, არც სუვერენიტეტის ხარისხის გაძლიერება და დიდი ბრძოლითა და დისკუსიებით უნდა მოვიპოვოთ ის, რაც გვეკუთვნის. ჩვენ გვეკუთვნის უფლება დიდ ქვეყნებს თუ გააჩნიათ ანალოგიური და მსგავსი კანონები, ჩვენც შეგვიძლია ასეთი კანონი მივიღოთ და წარმოუდგენელი უსამართლობაა გააკრიტიკო სხვა პატარა ქვეყანა იმისთვის, რაც შენს ქვეყანაში მისაღებია", - განაცხადა მდინარაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024