ბულგარეთის პრეზიდენტმა, რუმენ რადევმა პრემიერ-მინისტრ დიმიტარ გლავჩევის ხელმძღვანელობით დროებითი მთავრობა დანიშნა და ვადამდელი საპარლამენტო არჩევნების ჩატარების თარიღად 9 ივნისი დაასახელა.

„ჩვენ სტაბილურობის გარანტი უნდა ვიყოთ, არ დავუშვებთ, რომ ჩვენი ქვეყანა კონსტიტუციურ კრიზისში ჩაებას და პარტიული ამბიციებისა და სურვილების მძევალი გახდეს“, - განაცხადა დიმიტარ გლავჩევმა მთავრობის გადაცემის ცერემონიაზე.

ცნობისთვის, ეს უკვე მეექვსე დროებითი მთავრობაა, რომელიც პრეზიდენტმა რადევმა თავისი მმართველობის პერიოდში დანიშნა.

ვადამდელი არჩევნების დანიშვნა მას შემდეგ გახდა აუცილებელი, რაც საგარეო საქმეთა მინისტრმა, მარია გაბრიელმა 5 მარტს, პრემიერ-მინისტრ, ნიკოლაი დენკოვის გადადგომის შემდეგ მთავრობის ფორმირება ვერ შეძლო.