ზუგდიდის მერიამ ქვეყნის ფარგლებს გარეთ დამატებით 19 სტუდენტს ფინანსური მხარდაჭერა გაუწია

ზუგდიდის მერიის ბავშვებისა და ახალგაზრდების შესაძლებლობების განვითარების ხელშეწყობის კომისიამ, რომელიც შოთა მესხიას ზუგდიდის სახელმწიფო სასწავლო უნივერსიტეტში გაიმართა, 22 ახალგაზრდას ფინანსური მხარდაჭერის გადაწყვეტილება მიიღო. აღნიშნულთან დაკავშირებით ინფორმაციას ზუგდიდის მერია ავრცელებს.

მათი ცნობით, გამართულ კომისიაზე, ქვეყნის ფარგლებს გარეთ სასწავლებლებში ჩარიცხული სტუდენტების ფინანსური მხარდაჭერის პროგრამით 19 ახალგაზრდა დაფინანსდა (სემესტრულად 1500 ლარის ოდენობით).

არაფორმალური განათლებისა და პროფესიული შესაძლებლობების განვითარების მიმართულებით, ფინანსური მხარდაჭერა გაეწია ლიკა ნაჭყებიას. ლიკა თბილისის სახელმწიფო სამედიცინო უნივერსიტეტის სტუდენტია და ორი თვით მიემგზავრება გერმანიაში, ქემნიცის საუნივერსიტეტო კლინიკაში სტაჟირებაზე.

საბუნებისმეტყველო ტექნიკური, ჰუმანიტარულ და ტექნოლოგიურ სფეროებში განსაკუთრებული შესაძლებლობების და მიღწევებისთვის ფულადი ჯილდო გიგი გამსახურდიას და ლუკა კუკავას გადაეცემათ.

ათასწლეულის გამოწვევის 2023 წლის კონკურსის პირველი ადგილი და მთავარი პრიზი - NASA-ს საზაფხულო სკოლაში გამგზავრება - გუნდმა “TerraTech“ მოიპოვა, რომლის წევრები გიგი და ლუკა არიან.

ბავშვებისა და ახალგაზრდების შესაძლებლობების განვითარების ხელშეწყობის პროგრამის ფარგლებში განაცხადების მიღება გრძელდება.

პროგრამით გათვალისწინებულია: ახალგაზრდების (სტუდენტების) ფინანსური ხელშეწყობა - მერის სტიპენდია; ქვეყნის ფარგლებს გარეთ სასწავლებლებში ჩარიცხული სტუდენტების ფინანსური მხარდაჭერა; არაფორმალური განათლებისა და პროფესიული შესაძლებლობების განვითარების ფინანსური ხელშეწყობა; საბუნებისმეტყველო, ტექნიკურ, ჰუმანიტარულ და ტექნოლოგიურ სფეროებში განსაკუთრებული შესაძლებლობების და მიღწევების მქონე ბავშვებისა და ახალგაზრდებისთვის ფულადი ჯილდოს გაცემა.

მიჰაუ კობოსკო - ვიმედოვნებთ, თქვენი მთავრობა აირჩევს ევროპულ, დემოკრატიულ გზას ან გადადგება მოქალაქეთა პროტესტის გათვალისწინებით
ქართული პრესის მიმოხილვა 20.03.2025
ავთანდილ წულაძე - ტრამპი ცდილობს ჩინეთს რესურსებით მდიდარი რუსეთი ჩამოაშოროს, ამიტომაცაა ტრამპი რუსეთთან დათმობებზე რომ მიდის
BDO Digital-მა კიდევ ერთი მნიშვნელოვანი აღიარება მოიპოვა
დაპორტირდი სილქნეტის ქსელში და მიიღე 50% ფასდაკლება ულიმიტო პაკეტებზე
„თეთრმა კვადრატმა“ „მიცუბიშ ელექტრიკთან” თანამშრომლობის მემორანდუმი გააფორმა
ლისის ტბის ადმინისტრაცია მოსახლეობას აფრთხილებს
აღმოსავლეთ ევროპის უნივერსიტეტის კამპუსში ახალი სივრცის გახსნას საქართველოს პარლამენტის განათლების კომიტეტის თავმჯდომარე, გივი მიქანაძე დაესწრო
Samsung-ის A სერიის ახალი სმარტფონები - შეიძინე პირველმა და დასაჩუქრდი