გერმანიის საგარეო საქმეთა მინისტრმა სატელეფონო საუბრისას ირანელ კოლეგას მაქსიმალური თავშეკავებისკენ მოუწოდა, - ამის შესახებ ინფორმაციას გერმანიის საგარეო სამინისტრო ავრცელებს.

გერმანიის საგარეო საქმეთა სამინისტროს ცნობით, ანალენა ბერბოკმა და ჰოსეინ ამირ-აბდოლაჰიანმა ახლო აღმოსავლეთში არსებული დაძაბული ვითარება განიხილეს.

„შემდგომი რეგიონული ესკალაციის თავიდან აცილება ყველას ინტერესებში უნდა შედიოდეს. რეგიონის ყველა აქტორს მოვუწოდებთ, რომ პასუხისმგებლობით იმოქმედონ და მაქსიმალური თავშეკავება გამოიჩინონ“, - წერს სამინისტრო X-ზე.

ცნობისთვის, დღეს, გერმანულმა ავიაკომპანია Lufthansa-მ ირანის დედაქალაქ თეირანის მიმართულებით ფრენები შეაჩერა.