გაერთიანებული სამეფოს საგარეო საქმეთა მინისტრმა, დევიდ კემერონმა ირანელ კოლეგას, ჰოსეინ ამირ-აბდოლაჰიანს მოუწოდა, თეირანმა ახლო აღმოსავლეთი უფრო ფართო კონფლიქტში არ ჩართოს.

"ღრმა შეშფოთებული ვართ არასწორი გაანგარიშების პოტენციალით, რომელიც შემდგომ ძალადობას გამოიწვევს. სანაცვლოდ, ირანმა უნდა იმუშაოს დეესკალაციისა და შემდგომი თავდასხმების აღკვეთაზე", - წერს კემერონი სოციალურ ქსელ X-ში.

ირანის სახელმწიფო საინფორმაციო სააგენტო Tasnim-ის ინფორმაციით, ამირ-აბდოლაჰიანმა კამერონს განუცხადა, რომ გასულ კვირას დამასკოში ირანის საკონსულოზე ისრაელის თავდასხმასთან დაკავშირებით გაერთიანებული სამეფოს და შეერთებული შტატების დუმილი ემსახურება მხოლოდ ისრაელის წახალისებას, გააგრძელოს ომი ღაზაში და გააფართოოს კონფლიქტი რეგიონში.