ლიკანში, ორი სკვერი და სპორტული მოედანი მოეწყობა. ამის შესახებ ინფორმაციას ბორჯომის მერია ავრცელებს.

მათივე ცნობით, პროექტის ფარგლებში, მესხეთის N 85-ში, სკოლის მიმდებარე ტერიტორიაზე სპორტული მოედანი თანამედროვე სტანდარტების შესაბამისად მოეწყობა, სკვერში დაგეგმილია გამწვანების სამუშაოები, გაზონების და გარე განათების ქსელის მოწყობა, ასევე მოეწყობა მოსასვენეველი სივრცეები.

როგორც ბორჯომის მერიაში აცხადებენ, მესხეთის N 39-ში, სკვერის მოწყობის პროექტი ითვალისწინებს, საერთო სამშენებლო სამუშაოებს, საპარკე სკამებისა და სანაგვე ურნების მონტაჟს, გარე განათების, წყლისა და კანალიზაციის ქსელის მოწყობას.

მათივე ცნობით, პროექტი ადგილობრივი ბიუჯეტიდან დაფინანსდება.

ბორჯომის მერიის ინფორმაციით, ადგილობრივი თვითმართველიბის ხელმძღვანელი პირებისთვის უმთავრესი პრიორიტეტი რეკრეაციული სივრცეებისა და სპორტული ინფრასტრუქტურის მოწყობა. ახალგაზრდებისთვის სპორტული და გასართობი ზონების მოწყობა მომავალშიც გაგრძელდება.