ისრაელის წინააღმდეგ ირანის მხრიდან განხორციელებული თავდასხმის ფონზე, აშშ-ის პრეზიდენტი ჯო ბაიდენი მრჩევლებს შეხვდება.

ამის შესახებ განცხადებას თეთრი სახლი ავრცელებს.

განცხადების თანახმად, დღეს აშშ-ის პრეზიდენტი ჯო ბაიდენი მისი ეროვნული უსაფრთხოების გუნდთან გამართავს შეხვედრას ირანის მიერ ისრაელის წინააღმდეგ დრონებით განხორციელებული თავდასხმის განსახილველად.

“მისი გუნდი მუდმივ კომუნიკაციაშია ისრაელის ოფიციალურ პირებთან, ისევე როგორც სხვა პარტნიორებთან და მოკავშირეებთან. ეს თავდასხმა, დიდი ალბათობით, რამდენიმე საათს გაგრძელდება… პრეზიდენტი ბაიდენი ნათლად ამბობდა: ისრაელის უსაფრთხოებისადმი ჩვენი მხარდაჭერა ურყევია. შეერთებული შტატები ისრაელის ხალხს გვერდში დაუდგება და დაეხმარება მათ თავდაცვას ირანის მხრიდან ასეთი საფრთხეების წინააღმდეგ”, - ნათქვამია თეთრი სახლის განცხადებაში.