ისრაელის პრემიერ-მინისტრი, ბენიამინ ნეთანიაჰუ ირანის მიერ განხორციელებული თავდასხმის შემდეგ პირველ საჯარო განცხადებას აკეთებს და ქვეყნის მოსახლეობას პირობას აძლევს, რომ გაიმარჯვებენ.

„მოვიგერიეთ, შევაკავეთ, ჩვენ ერთად გავიმარჯვებთ", - წერს ნეთანიაჰუ სოციალურ ქსელ X-ზე.

შეგახსენებთ, ისრაელმა განაცხადა, რომ ირანმა მისი ტერიტორიის მიმართულებით ასობით დრონი და რაკეტა გაუშვა. ისრაელის თავდაცვის ძალების ცნობით, დრონებისა და რაკეტების აბსოლუტური უმრავლესობა მოიგერიეს, მაგრამ იყო მცირე რაოდენობის დარტყმები, მათ შორის ისრაელის სამხრეთით მდებარე სამხედრო ბაზაზე. თავდასხმისას დაშავდა სულ მცირე ერთი ადამიანი. დაშავებულია 7 წლის გოგონა.