„არა რუსულ კანონს“ - ამ ლოზუნგით ბათუმში, შოთა რუსთაველის სახელობის სახელმწიფო უნივერსიტეტთან, სხვადასხვა უმაღლესი სასწავლებლის სტუდენტები საპროტესტო აქციას მართავენ.
შეკრებილები „უცხოური გავლენის გამჭვირვალობის შესახებ“ კანონპროექტს აპროტესტებენ და აცხადებენ, რომ „რუსული კანონი საქართველოს ევროპულ პერსპექტივას საფრთხეს უქმნის“.
„აქციის მიზანია, რომ საქართველოში რუსული კანონი არ მიიღონ. ვგმობთ ყოველგვარ მსგავს კანონს. ამ ქვეყანაში უნდა დასრულდეს რუსეთის მიერ ქვეყნის ოკუპაცია და უნდა გაიხსნა კარი ევროპისკენ. ჩვენი მისწრაფება სწორედ ეს არის, ამიტომ გამოვედით სხვადასხვა უნივერსიტეტის სტუდენტები და მოვითხოვთ მთავარს - გაუქმდეს ე.წ აგენტების შესახებ კანონი. წინააღმდეგ შემთხვევაში ჩვენი, სტუდენტების პროტესტი არ შეწყდება“,- აღნიშნა აქციის მონაწილე მათე ირემაძემ.
