უკრაინა და ნორვეგია უსაფრთხოების შესახებ შეთანხმებას გააფორმებენ, - ამის შესახებ ნორვეგიის საგარეო საქმეთა მინისტრმა, ესპენ ბარტ ეიდემ კიევში ვოლოდიმირ ზელენსკისთან შეხვედრის შემდეგ განაცხადა.

„ნორვეგია უკრაინას გრძელვადიან სამხედრო, პოლიტიკურ, ფინანსურ და ჰუმანიტარულ მხარდაჭერას გაუწევს“, - განაცხადა ესპენ ბარტ ეიდემ.

ნორვეგიის საგარეო საქმეთა მინისტრის ცნობით, უსაფრთხოების შესახებ შეთანხმებას ვოლოდიმირ ზელენსკი და ნორვეგიის პრემიერ-მინისტრი, იონას გარ სტიორე მომავალი შეხვედრისას გააფორმებენ.

უკრაინის პრეზიდენტისა და ნორვეგიის პრემიერ-მინისტრის მომავალი შეხვედრის თარიღი ჯერჯერობით უცნობია.