პარლამენტის პლენარულ სხდომაზე, სადაც დეპუტატების პოლიტიკური გამოსვლები მიმდინარეობს, ხმაური და სიტყვიერი დაპირისპირება იყო

პარლამენტის პლენარულ სხდომაზე, სადაც დეპუტატების პოლიტიკური გამოსვლები მიმდინარეობს, ხმაური და სიტყვიერი დაპირისპირება იყო.

უფრო კონკრეტულად, შელაპარაკება „უცხოური გავლენების გამჭვირვალობის შესახებ“ კანონპროექტის შესახებ „სტრატეგია აღმაშენებლის“ ლიდერის გიორგი ვაშაძის გამოსვლას მოჰყვა, რომელმაც თქვა, რომ „ეს კანონი ასამარებს საქართველოს ევროპულ არჩევანს“.

ოპოზიციონერი დეპუტატის გამოსვლის პარალელურად მას უმრავლესობის წევრებმა სხვადასხვა რეპლიკით მიმართეს, მათ შორის დიმიტრი სამხარაძემ მას „მონა“ და „ქათამი“ უწოდა, რაზეც ვაშაძემ უთხრა, რომ სწორედ ესაა მათი სახე.

„ნაბიჭვარი ეს. ახლა გაახსენდა ქართველი ხალხი? რომ აწამებდი, ბიჭო? მაშინ რატომ არ გახსოვდა ხალხი? გადაგაყლაპებ მაგ მიკროფონს, მონა ეს. ქათამი“,- განაცხადა დიმიტრი სამხარაძემ.

გიორგი ვაშაძეს ასევე უმრავლესობის დეპუტატი დაჩი ბერაიაც დაუპირისპირდა, რომელმაც ოპოზიციის მისამართით თქვა, რომ არაკაცები არიან.

„ვერცერთი წინადადება ვერ თქვით, რატომ ეძახით ამ კანონპროექტს რუსულს. დეზინფორმატორები ხართ, ქვეყნის არევას ცდილობთ. ხალხის შეცდომაში შეყვანას ცდილობთ, თქვე არაკაცებო“,- განაცხადა დაჩი ბერაიამ.

ვაშაძეს მიმართა „ქართული ოცნების“ წევრმა ალუდა ღუდუშაურმაც და „ფარჩაკი“ უწოდა.

„ერთი არგუმენტი არ მოგიტანიათ. რუსი კი არა, რუსიც ხარ და ფარჩაკიც. რუსი მდგმურები სახლში მოიკითხე“,- უთხრა ღუდუშაურმა გიორგი ვაშაძეს.

გიორგი ვაშაძემ უმრავლესობის წევრების მხრიდან გაკეთებული რეპლიკების გამო მანდატურებს მათი გაყვანისკენ მოუწოდა.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი