სასწრაფო სამედიცინო დახმარების ცენტრის ინფორმაციით, საკანონმდებლო ორგანოსთან, სადაც საპროტესტო აქცია მიმდინარეობს, სასწრაფო სამედიცინო დახმარების 10-მდე ბრიგადა მუშაობს.

როგორც „ინტერპრესნიუსს“ სასწრაფო სამედიცინო დახმარების ცენტრში განუცხადეს, ექიმები ადგილზე უწევენ დახმარებას მოქალაქეებს. რაც შეეხება დაშავებულების რაოდენობას, ამ ეტაპზე, უცნობია რამდენი პირია დაშავებული და რამდენს გაუწიეს პირველადი დახმარება.

ცნობისთვის, სამართალდამცველებმა აქციაზე ე.წ. წიწაკის სპრეი რამდენიმე წუთის წინ გამოიყენეს. საკანონმდებლო ორგანოსთან ვითარება დაძაბულია. პარლამენტის შენობასთან ე.წ. წიწაკის სპრეის გამოყენების შედეგად დაშავებულ აქციის მონაწილეებს სამედიცინო დახმარება ესაჭიროებათ.