რუსთაველის გამზირზე, სადაც საპროტესტო აქცია მიმდინარეობდა, ტრანსპორტის მოძრაობა აღდგა - პარლამენტის მიმდებარედ კვლავ რჩება დემონსტრანტთა ნაწილი
რუსთაველის გამზირზე, სადაც „უცხოური გავლენის გამჭვირვალობის შესახებ“ კანონპროექტის წინააღმდეგ საპროტესო აქცია მიმდინარეობდა, ტრანსპორტის მოძრაობა აღდგა.
ამასთან, პარლამენტის უკანა შესასვლელთან აქციის მონაწილეების ნაწილი კვლავ რჩება.
საქართველოს პარლამენტთან სამოქალაქო ორგანიზაციების ორგანიზებით, „უცხოური გავლენის გამჭვირვალობის შესახებ“ კანონპროექტის წინააღმდეგ აქცია ორი დღეა მიმდინარეობს.
შინაგან საქმეთა სამინისტროს ბოლო ინფორმაციით, პარლამენტთან დღეს გამართულ აქციაზე სამართალდამცველების მიერ 11 პირია დაკავებული.
შინაგან საქმეთა სამინისტრომ გამოიყენა სპეციალური საშუალება - ე.წ. წიწაკის სპრეი.
„უცხოური გავლენის გამჭვირვალობის შესახებ“ კანონპროექტის წინააღმდეგ პროტესტი 17 აპრილს, 12:00 საათიდან, ისევ განახლდება.
