შალვა პაპუაშვილი - არის სურვილი, ყვირილით ჩაახშონ მსჯელობა, ეს არის დოგმატიზმის ყველაზე ცხადი მაგალითი, როცა ერთადერთი არგუმენტია, რომ „უცხოეთიდან გვითხრეს“ - ეს არის დამოუკიდებლობა, რომელიც მოვიპოვეთ 30 წლის წინ?

პარლამენტი ქართველმა ხალხმა აირჩია იმისთვის, რომ მიიღოს ქართული კანონი და ეს პარლამენტი იღებს ამ კანონებს, - ამის შესახებ პარლამენტის თავმჯდომარემ, შალვა პაპუაშვილმა განაცხადა.

მისივე თქმით, როცა პარლამენტს არგუმენტების გარეშე მიუთითებენ, რა მიიღოს და რა არ მიიღოს, არ არის სწორი.

„გუშინ კიდევ ერთხელ ვიხილეთ, რომ არის მცდელობა, ყოველგვარი მსჯელობა დაიბლოკოს. ნაცვლად მსჯელობისა, ვხედავთ სლოგანებს და არის სურვილი, რომ ყვირილით ჩაახშონ მსჯელობა. ეს არის დოგმატიზმის ყველაზე ცხადი მაგალითი, როცა ერთადერთი არგუმენტია, რომ "უცხოეთიდან გვითხრეს"... ნიშანდობლივია, რომ „ნაცმოძრაობა“ გუშინ პლებისციტის ჩატარებაზე საუბრობდა. ვკითხე კიდეც ხაბეიშვილს, ანუ რა გამოდის, თუ პლებისციტით ხალხი მიემხრობა, მაშინ, ამ შემთხვევაში, მნიშვნელობა არ აქვს რას ეუბნებიან უცხოეთიდან?! არ ყოფილა მაშინ ამოსავალი წერტილი [ეს არგუმენტი]. მე ის მიკვირს, როცა პარლამენტის წევრები საკუთარ მანდატზე ასე რომ არიან დამოკიდებულები. ხალხის წარმომადგენელი არის საქართველოს პარლამენტი, დღეს ჩვენ რასაც ვხედავთ ზოგიერთი რადიკალური ჯგუფებიდან, მათ შორის უცხოეთის ზოგიერთი აქტორებიდან, ეს არის აუკრძალოს პარლამენტს შეასრულოს საკუთარი საკანონმდებლო და წარმომადგენლობითი უფლებამოსილება. პარლამენტი ქართველმა ხალხმა აირჩია იმისთვის, რომ მიიღოს ქართული კანონი და ეს პარლამენტი იღებს ამ კანონებს. და როცა უკრძალავენ მას და არგუმენტების გარეშე მიუთითებენ, რა მიიღოს და რა არ მიიღოს, არ არის სწორი. მთავარია მსჯელობა, წარმოადგინოს ყველამ არგუმენტები! გუშინ ვერაფერი მოვისმინეთ. როცა მივდივართ კითხვაზე, რატომ არ უნდა იქნას მიღებული, ერთადერთი პასუხია იმიტომ, რომ "ვიღაცამ უცხოეთში ასე თქვა". ეს არის ეს დამოუკიდებლობა, რომელიც ჩვენ მოვიპოვეთ 30 წლის წინ? ეს არის ის ქვეყანა, სადაც ხალხი არის ძალაუფლების წყარო და არა რომელიმე უცხოელი წარმომადგენელი?!“- განაცხადა პაპუაშვილმა.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი