ანრი ოხანაშვილი ოპოზიციას - ნუ წამოაჩენთ ისე, რომ ამ ქვეყნის ხვალინდელ დღეს თქვენი მომხრეები წყვეტენ! ჩვენი ქვეყანა და ხალხი იმსახურებს იცოდეს, რა თანხები შემოდის და როგორ იხარჯება ის!
ნუ წამოაჩენთ ისე, რომ ამ ქვეყნის ხვალინდელ დღეს თქვენი მომხრეები წყვეტენ! ჩვენი ქვეყანა და ხალხი იმსახურებს იცოდეს, რა თანხები შემოდის და როგორ იხარჯება ის! - ჩვენ, რა თქმა უნდა, პირველი მოსმენით ამ კანონს მივიღებთ და ვიზრუნებთ, რომ ხალხს ზუსტი ინფორმაცია ჰქონდეს, - ეს განცხადება პარლამენტის ტრიბუნიდან ოპოზიციის მისამართით “ქართული ოცნების“ დეპუტატმა ანრი ოხანაშვილმა გააკეთა.
ოხანაშვილმა ოპოზიციის მიმართა, რომ “მათ მომხრეებსაც მოუსმენენ“ და აქვე აღნიშნა, რომ “სიმართლე ხალხის მხარეს არის“.
“ევროპაზე დღეს ის ხალხი საუბრობს, ვინც საქართველოსთვის კანდიდატის სტატუსის მონიჭების საპირისპიროდ მოქმედებდა.
როგორ შეიძლება ხალხს “ნაციონალური მოძრაობის“ მორალით ელაპარაკოთ?! როგორ შეიძლება, რა უფლებით ლაპარაკობთ ან მედია თავისუფლებაზე ან ევროპაზე ! ომის დაწყებას გმირ ჯარისკაცებს აბრალებდით. რეზოლუციას, რომელიც არსებობს ვერ შეცვლით, მაგრამ შევძელით და სტრასბურგში ოკუპანტის წინააღმდეგ გამარჯვება მოვიპოვეთ. სვლას ამ გამარჯვებებით გავაგრძელებთ“, - განაცხადა ანრი ოხანაშვილმა.
“უცხოური გავლენის გამჭვირვალობის შესახებ“ კანონპროექტი პარლამენტმა პირველი მოსმენით მიიღო.
