უკრაინის პრემიერ-მინისტრის, დენის შმიგალის განცხადებით, თუ უკრაინა რუსეთთან ომს წააგებს, შესაძლოა, მესამე მსოფლიო ომი დაიწყოს.

უკრაინის პრემიერმა აშშ-ის კონგრესს მოუწოდა, საგარეო დახმარების შესახებ კანონპროექტი მიიღოს, რომელიც კიევისთვის 61 მილიარდი დოლარის გამოყოფას ითვალისწინებს.

„ეს ფული გვჭირდება გუშინ, არა დღეს და ხვალ. თუ არ დავიცავთ, უკრაინა დაეცემა. გლობალური უსაფრთხოების სისტემა განადგურდება და მთელ მსოფლიოს მოუწევს უსაფრთხოების ახალი სისტემის მოძიება. ან იქნება ბევრი კონფლიქტი, ბევრი ასეთი სახის ომი და, ბოლოს და ბოლოს, ამან, შესაძლოა, მესამე მსოფლიო ომამდე მიგვიყვანოს“, - აღნიშნა უკრაინის პრემიერმა BBC-თან ინტერვიუში.