„აფხაზეთის მეომართა კავშირი” დეპუტატ დევი ჭანკოტაძის განცხადებას პასუხობს. აღნიშნულ განცხადებას აფხაზეთის მეომართა კავშირი ავრცელებს.

როგორც განცხადებაშია აღნიშნული, აფხაზეთის მეომართა კავშირი სრულად იზიარებს „უცხოური გავლენის გამჭვირვალობის შესახებ“ კანონპროექტის მნიშვნელობასა და პრინციპს!“.

„ჩვენი ძალოვანი ვეტერანები, ყველა არის ამ კანონის წინააღმდეგი იმიტომ, რომ მთლიანად რუსული კანონია“ - ამის შესახებ „ნაციონალური მოძრაობის“ წევრმა, დევი ჭანკოტაძემ საქართველოს პარლამენტში განაცხადა, სადაც „უცხოური გავლენის გამჭვირვალობის შესახებ“ კანონპროექტის პირველი მოსმენით განხილვა მიმდინარეობს. „ჩემი, როგორც ადამიანის, როგორც სამხედროს, როგორც გენერლის რჩევაა, გაიტანეთ ეს კანონი“.

გენერალ–მაიორი დევი ჭანკოტაძის ამ განცხადებას სრულად ემიჯნება აფხაზეთის მეომართა კავშირი - „მას არ აქვს უფლება ძალოვანი ვეტერანების სახელით გააკეთოს მსგავსი შინაარსის განცხადება”, - ნათქვამია განცხადებაში.