პარლამენტთან „უცხოური გავლენის გამჭვირვალობის შესახებ” კანონპროექტის საწინააღმდეგო აქცია მიმდინარეობს
პარლამენტთან „უცხოური გავლენის გამჭვირვალობის შესახებ” კანონპროექტის საწინააღმდეგო აქცია მიმდინარეობს.
საკანონმდებლო ორგანოსთან სტუდენტები არიან შეკრებილები. აქციის ერთ-ერთი ორგანიზატორის, სტუდენტური მოძრაობა „დაფიონის“ წევრის ზვიად ცეცხლაძის განცხადებით, მათი მიზანია ახალგაზრდებში გაიზარდოს მუხტი და კიდევ უფრო გაღრმავდეს მათი ცნობიერება იმასთან დაკავშირებით, თუ რატომ არის ცუდი „უცხოური გავლენის გამჭვირვალობის შესახებ“ კანონპროექტი.
„გამოსულები ვართ „რუსული კანონის“ წინააღმდეგ. ჩვენი მიზანია ახალგაზრდებში გაიზარდოს მუხტი. გაიზარდოს ცნობიერება, თუ რატომ არის ეს კანონი მათთვის საშიში და რატომ უქმნის ეს კანონი მათ მომავალს საფრთხეს. ახალგაზრდებს კარგად ესმით, მაგრამ ჩვენ შევეცდებით კიდევ უფრო გავაღრმაოთ მათი ცნობიერება”,- განაცხადა მან.
აქციის ორგანიზატორებს დღევანდელი აქციის გეგმებზე განცხადება ამ დროისთვის არ გაუკეთებიათ.
