საპროტესტო აქციის მონაწილეები, რომლებმაც პარლამენტის შენობიდან პრეზიდენტის ადმინისტრაციასთან გადაინაცვლეს, მსვლელობით სანაპიროსკენ მიემართებიან. რის შემდეგაც სავარაუდოდ, ისინი მთაწმინდის პანთეონში, ილია ჭავჭავაძის საფლავთან ავლენ.

იუსტიციის სახლთან, გზის სავალი ნაწილის ნახევარი გადაკეტილია. მოქალაქეები აქციის მონაწილეებს მხარდაჭერას ხმოვანი სიგნალებით უცხადებენ.

აქციის მონაწილეებმა იუსტიციის სახლის წინ მდებარე ხიდიდან საქართველოს დროშა გადმოფინეს.