„არა რუსულ კანონს” - ამ სახელწოდებით საპროტესტო აქცია ბათუმში ევროპის მოედანზე დასრულდა.

აქცია თავდაპირველად ქალთა მარშის მონაწილეებმა გამართეს, მოგვიანებით ევროპის მოედანზე სტუდენტები და არასამთავრობო ორგანიზაციების წარმომადგენლები შეიკრიბნენ.

აქციის მონაწილეების მთავარი მოთხოვნაა, რომ “ქართულმა ოცნებამ” „უცხოური გამჭვირვალობის შესახებ” კანონპროექტის გაწვევა დროულად უზრუნველყოს.

სტუდენტებმა ბათუმის ქუჩებში საპროტესტო მსვლელობაც მოაწყვეს და კვლავ დაბრუნდნენ ევროპის მოედანზე, სადაც სხვადასხვა პერფორმანსი გამართეს.