ლიეტუვამ უკრაინის შეიარაღებულ ძალებს L-39ZA Albatross ტიპის თვითმფრინავი გადასცა, - ამის შესახებ ინფორმაციას ლიეტუვის თავდაცვის სამინისტრო ავრცელებს.

უწყების ცნობით, უკრაინაში სამხედრო დახმარების კიდევ ერთი პარტია ჩავიდა.

"ჩვენ უკრაინის შეიარაღებულ ძალებს მივაწოდეთ დაშლილი L - 39ZA Albatros -ის ტიპის მსუბუქი მოიერიშე თვითმფრინავი", - ნათქვამია ლიეტუვის თავდაცვის სამინისტროს განცხადებაში.

მათი განმარტებით, ლიეტუვაში ასეთი თვითმფრინავები გამოიყენებოდა ოფიცრების მოსამზადებლად, მფრინავების საბრძოლო მზადყოფნის უზრუნველყოფის მიზნით.