შალვა პაპუაშვილი - სააკაშვილი ციხეშია, სანქციები რუსეთისთვის დაწესებული არ არის და ჩვენ კანდიდატის სტატუსი მაინც მოგვენიჭა - ვინც ამბობს, რომ ევროკავშირის კარი ჩაიკეტებაო, ევროკავშირი საბჭოთა კავშირი ჰგონიათ

სააკაშვილი ციხეშია, სანქციები დაწესებული არ არის და ჩვენ კანდიდატის სტატუსი მაინც მოგვენიჭა. ვინც ამას ამბობდა, რომ ევროკავშირის კარი ჩაიკეტებაო, ჰგონია, რომ ევროკავშირი არის საბჭოთა კავშირი, მოდის დირექტივა, რომელიც უნდა შესრულდეს, - ამის შესახებ პარლამენტის თავმჯდომარე შალვა პაპუაშვილმა ჟურნალისტებთან განაცხადა.

მისი თქმით, ევროკავშირი არის თანასწორთა კავშირი, სადაც გადაწყვეტილებები თანასწორობის პრინციპით მიიღება.

„ჩვენ იმასაც გვეუბნებოდნენ, რომ სააკაშვილს თუ არ გაუშვებთ, ჩაიკეტებაო ევროკავშირის კარი საქართველოსთვის, წითელი ხაზიაო. იმასაც გვეუბნებოდნენ, და დღემდე გვეუბნებიან, რომ სანქციებს თუ არ დაუწესებთ რუსეთსო, ეს წითელი ხაზია და ჩაიკეტებაო. სააკაშვილი ციხეშია, სანქციები დაწესებული არ არის და ჩვენ კანდიდატის სტატუსი მაინც მოგვენიჭა. ვინც ამას ამბობს, ჰგონია, რომ ევროკავშირი არის საბჭოთა კავშირი, მოდის დირექტივა, რომელიც უნდა შესრულდეს. ჩვენ ვსაუბრობთ ევროკავშირზე, რომელიც არის თანასწორთა კავშირი. მართალია არ ვართ ჯერ წევრი, რომ იგივე თანასწორობა გვქონდეს გადაწყვეტილების მიღებაში, მაგრამ აქედანვე თუ არ დავანახეთ ჩვენს მეგობრებს ევროკავშირში, რომ ჩვენ მხოლოდ თანასწორად ვხედავთ საკუთარ თავს, ასე სხვაც არ შემოგვხედავს. მთავარია ჩვენ გავერკვეთ, ჩვენ რა გვინდა. გვინდა თუ არა, რომ დამნაშავე იყოს გარეთ? არ გვინდა, გვინდა, რომ დაისაჯოს. ჩვენ თუ ეს გვინდა და ხალხი ამაზე ყალიბდება, ევროკავშირიც ამაზე წამოგვყვება. გვინდა თუ არა, რომ სანქციები დავუწესოთ რუსეთს და ამით ფაქტობრივად ომი ავტეხოთ ქვეყანაში? - არ გვინდა. რომ შევთანხმდით საზოგადოება და ვთქვით არა მიხეილ სააკაშვილის გათავისუფლებაზე და არა სანქციებს და ომს საქართველოში, სწორედ ამიტომაც ევროკავშირმა თქვა, რომ კი ბატონო და მოგცეს კანდიდატის სტატუსი“, - განაცხადა შალვა პაპუაშვილმა.

მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
ქართული პრესის მიმოხილვა 27.05.2024
2024 წლის ახალი ტოიოტა ლენდ კრუიზერ პრადო - სულ მალე საქართველოში
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე