რუსებმა ხარკოვში სატელევიზიო ანძაზე სარაკეტო დარტყმა განახორციელეს, - ამის შესახებ ინფორმაციას ხარკოვის საოლქო სახელმწიფო ადმინისტრაციის ხელმძღვანელი, ოლეგ სინეგუბოვი ავრცელებს.

„განგაშის დროს თანამშრომლები თავშესაფარში იმყოფებოდნენ, მსხვერპლი არ ყოფილა“, - განაცხადა ოლეგ სინეგუბოვმა.

რუსების სარაკეტო იერიშის შედეგად, სატელევიზიო ანძის ზედა ნაწილი ჩამოინგრა.

ხარკოვის საოლქო პროკურატურამ ომის კანონებისა და წეს-ჩვეულებების დარღვევის ფაქტზე წინასწარი გამოძიება დაიწყო.