მირიამ ლექსმანი - თუ “უცხოური გავლენის გამჭვირვალობის შესახებ” კანონი მიიღება ქართველი ხალხის მისწრაფებების საწინააღმდეგოდ და კომისიის რეკომენდაციების დარღვევით, მაშინ ჩვენი პასუხი მკაფიო უნდა იყოს

თუ “უცხოური გავლენის გამჭვირვალობის შესახებ” კანონი მიიღება ქართველი ხალხის მისწრაფებების საწინააღმდეგოდ და კომისიის რეკომენდაციების დარღვევით, მაშინ ჩვენი პასუხი მკაფიო უნდა იყოს, - ამის შესახებ ევროპარლამენტარმა მირიამ ლექსმანმა ევროპარლამენტში „უცხოური გავლენის გამჭვირვალობის შესახებ“ კანონპროექტთან დაკავშირებით გამართულ დებატებზე განაცხადა.

მისი თქმით, კანონპროექტი ძირს უთხრის სამოქალაქო საზოგადოებას და საქართველოს აახლოებს „პუტინის რუსეთთან“.

„"ქართული ოცნების" მმართველმა პარტიამ კიდევ ერთხელ შემოიღო კანონპროექტი „უცხოური გავლენის აგენტების“ შესახებ. ფაქტია, რომ ეს კანონი, რომლის განხილვა ამჟამად საქართველოს პარლამენტში მიმდინარეობს, იგივე შინაარსისაა, რადგან არღვევს კომისიის რეკომენდაციებს. ეს კანონი არის იგივე, რაც მოქმედებს პუტინის რუსეთში და მას არაფერი აქვს საერთო გამჭვირვალობის გაძლიერებასა და სხვა ავტორიტარული რეჟიმების გავლენის წინააღმდეგ ბრძოლასთან. შემოთავაზებული კანონი ძირს უთხრის სამოქალაქო საზოგადოებისა და დამოუკიდებელი მედიის მუშაობას“, - აღნიშნა ლექსმანმა.

ევროპარლამენტარმა გააფრთხილა მმართველი გუნდი, რომ თუ კანონი მიიღება ქართველი ხალხის სურვილის და კომისიის რეკომენდაციების საწინააღმდეგოდ, ევროკავშირისგან მკაფიო რეაგირება გარანტირებული იქნება.

„თუ კანონი მიიღება ქართველი ხალხის მისწრაფებების საწინააღმდეგოდ და კომისიის რეკომენდაციების დარღვევით, მაშინ ჩვენი პასუხი მკაფიო უნდა იყოს. პირველ რიგში, ჩვენ უნდა “გავყინოთ” საქართველოსთვის გაწევრიანების მოლაპარაკებების ნებისმიერი გახსნის ეტაპი; მეორე, საქართველოსთვის ნებისმიერი მომავალი ფინანსური დახმარება განპირობებული უნდა იყოს ამ კანონის [უცხოური გავლენის გამჭვირვალობის შესახებ] გაუქმებით და ბოლოს, კიდევ ერთხელ, მოვუწოდებ საბჭოს, დააწესოს მიზანმიმართული სანქციები ოლიგარქ ბიძინა ივანიშვილის წინააღმდეგ და გაათავისუფლოს მიხელ სააკაშვილი“, - განაცხადა ლექსმანმა.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)