მამუკა მდინარაძე ბექა ოდიშარიასთვის ლატვიის საპატიო კონსულის წოდების ჩამორთმევაზე - ლატვიის ოფიციალურმა სტრუქტურამ მოახდინა პრევენციული ეფექტის ზეწოლა ქართველ დეპუტატზე

„ქართული ოცნების“ აღმასრულებელი მდივანი და საპარლამენტო უმრავლესობის ლიდერი მამუკა მდინარაძე ლატვიის საელჩოს მიერ დეპუტატ ბექა ოდიშარიასთვის საპატიო კონსულის წოდების ჩამორთმევის ფაქტს ჟურნალისტებთან აფასებს.

მისი თქმით, „ეს არის კიდევ ერთი ზეწოლის ღონისძიება ქართველ დეპუტატზე“.

„ლატვიის ოფიციალურმა სტრუქტურამ ამით მოახდინა პრევენციული ეფექტის ზეწოლა ქართველ დეპუტატზე და საქართველოს შიდა საქმეებში ჩარევაში აშკარა მცდელობა, იქიდან გამომდინარე, რომ განსაზღვროს ბექა ოდიშარიას თუ სხვა დეპუტატების მოქმედება, რომ მათ ვერ მიიღონ დამოუკიდებელი გადაწყვეტილება და გადაწყვეტილებები მიიღონ საერთაშორისო ზეწოლის ქვეშ“, - განაცხადა მამუკა მდინარაძემ.

ცნობისთვის, ჯერ კიდევ მიმდინარე თვის დასაწყისში ლატვიის პარლამენტის საგარეო საქმეთა კომიტეტის თავმჯდომარემ რიჰარდს კოლსიმ ლატვიის საგარეო საქმეთა სამინისტროს მოუწოდა, ქართველი დეპუტატისთვის და ლატვიის საპატიო კონსულისთვის აღნიშნული წოდება გაეუქმებინა. ამის შესახებ განცხადება კომიტეტის თავმჯდომარემ სოციალურ ქსელში გაავრცელა, რითაც გამოეხმაურა ბექა ოდიშარიას მიერ პარლამენტის პლენარულ სხდომაზე ქალი დეპუტატების მისამართით შეურაცხმყოფელ განცხადებებს. „ოდიშარია არის ლატვიის საპატიო კონსული საქართველოში - ადამიანი, რომელსაც ლატვიამ ანდო თავისი წარმომადგენლობა. სამარცხვინოა ამის გაგრძელება, არსებობს საკმარისზე მეტი მიზეზი, რათა უკან გავიწვიოთ საპატიო კონსულის სტატუსი“,- აღნიშნა რიჰარდს კოლსიმ.

საბოლოოდ, ლატვიის საგარეო საქმეთა სამინისტროს მოწოდება დააკმაყოფილა და ბექა ოდიშარიას საპატიო კონსულის წოდება ჩამოართვა.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)