პოლიციამ აშშ-ის უნივერსიტეტებში მიმდინარე პალესტინის მხარდამჭერ აქციებზე ათობით მომიტინგე დააკავა.

მედიის ინფორმაციით, სამართალდამცავებმა სულ მცირე 34 ადამიანი ოსტინში, ტეხასის უნივერსიტეტში გამართულ საპროტესტო აქციაზე დააკავეს, მინიმუმ 50 კი - სამხრეთ კალიფორნიის უნივერსიტეტში.

დაკავებები აშშ-ის მასშტაბით კამპუსებში მიმდინარე დემონსტრაციების ტალღის ფონზე განხორციელდა, რომელიც გასულ კვირას დაიწყო მას შემდეგ, რაც ნიუ-იორკის კოლუმბიის უნივერსიტეტის სტუდენტებმა ბანაკები მოაწყვეს და უნივერსიტეტს მოუწოდეს, ისრაელთან დაკავშირებული იარაღის მწარმოებლებისგან დისტანცირება მოეხდინათ.

აშშ-ის წარმომადგენელთა პალატის პრესსპიკერი, მაიკ ჯონსონი კოლუმბიის უნივერსიტეტს ეწვია და უნივერსიტეტის პრეზიდენტს გადადგომისკენ მოუწოდა.