საბა ბუაძე - მივმართავ კახა კალაძეს, რომელიც ამავდროულად თვითმმართველობების ასოციაციის პრეზიდენტია, რომელიც იღებს პარტნიორების დონორულ დახმარებას - როდის აპირებთ დარეგისტრირდეთ უცხო ძალის ინტერესების გამტარებლად?

მინდა მივმართო დედაქალაქის მერს, კახა კალაძეს, რომელიც ამავდროულად არის საქართველოს თვითმმართველობების ეროვნული ასოციაციის პრეზიდენტი, რომელიც წლების განმავლობაში იღებდა და იღებს ჩვენი პარტნიორების დონორულ დახმარებას - ბატონო კახა, როდის აპირებთ დარეგისტრირდეთ უცხო ძალის ინტერესების გამტარებლად? - ამის შესახებ პარტია “ლელოს” წევრმა, საბა ბუაძემ თბილისის საკრებულოში სიტყვით გამოსვლისას განაცხადა.

მისივე შეფასებით, “ქართული ოცნების” დამფუძნებელი, ბიძინა ივანიშვილი “რუსულ სპეცოპერაციას საქართველოს ევროპული მომავლის წინააღმდეგ ატარებს”.

“ამას ვერაფერს დავარქმევ სხვას, თუ არა ივანიშვილის რუსულ სპეცოპერაციას ჩვენი ევროპული მომავლის წინააღმდეგ. აი, ახლა ეს პროცესი მიმდინარეობს და წყდება ვინ არის ამ პროცესის მონაწილე და ვინ არის ამ პროცესის წინააღმდეგ. როცა ყველა პარტნიორი გეუბნება, რომ ეს კანონი არ მიიღო, ეს კანონი დაგაშორებს შენ ევროკავშირს და შენ მაინც იღებ ამ კანონს და თან ლანძღავ იმ სივრცეს, რომლის ნაწილიც გინდა, რომ გახდე, ეს არ არის ევროპა. ეს არის ამ ქვეყნის ღალატი. თურმე ჩვენი პარტნიორების ამ გზავნილებს აქვს “ჩალის ფასი”. მაშ, რისი ფასი აქვს კობახიძის და მდინარაძის სიტყვებს, რომლებმაც ზუსტად ერთი წლის წინ ქართველ ხალხს უთხრეს, რომ გაიწვევდნენ ამ კანონს და აღარასდროს არ დააბრუნებდნენ. რა ფასი აქვს მათ სიტყვას და რა ფასი აქვთ საერთოდ მათ? როგორც ივანიშვილის ყველა სიბინძურის გამტარებს.

არ შემიძლია არ გამოვეხმაურო იმ პოლიტიკურ სიბეცეს, რომელიც მოვისმინეთ დედაქალაქის მერისგან, რომელიც არის ამ ამაზრზენი კამპანიის ერთ-ერთი მთავარი სპიკერი. თურმე გამჭვირვალობისთვის იბრძვის კალაძე, მაშინ როდესაც ათასზე მეტი უპასუხო წერილი აქვს მარტო ამ საკრებულოს წინაშე. თურმე გამჭვირვალობა არის ფასეული? მოითხოვეთ თქვენ საკრებულოს უმრავლესობამ, რომ გამოგიგზავნონ ეს წერილები, რომელიც კანონით გვეკუთვნის. ხომ გამჭვირვალობაში არის საქმე და ხომ ფასეულია გამჭვირვალობა? თქვენ დაქვემდებარებულ სააგენტოებს უთხარით გამოაგზავნონ ის ინფორმაცია, რომელსაც ორ წელზე მეტია მალავენ.

არანაირ გამჭვირვალობაში არ არის საქმე. ეს არის რუსული სპეცოპერაცია ამ ქვეყნის მომავლის წინააღმდეგ”, - განაცხადა ბუაძემ.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)