27 და 28 აპრილს, 12.00-დან 17.00 საათამდე უკრაინული სახლი თბილისში საგაზაფხულო წინასააღდგომო ბაზრობას უმასპინძლებს.

ორგანიზატორების ინფორმაციით, ბაზრობის მიზანია საქართველოში მცხოვრები უკრაინელი ლტოლვილების ეკონომიკური მხარდაჭერა და ინტერგაციის პროცესის ხელშეწყობა. ბაზრობის ორგანიზატორია ქართულ-უკრაინული პლატფორმა.

„წარმოდგენილი იქნება 32 უკრაინელი მეწარმის მიერ დამზადებული სხვადასხვა პროდუქცია:

ტკბილეული, უკრაინული პასკა და ლეგენდარული კიევური ტორტები;

ტრადიციული უკრაინული რეცეპტებით დამზადებული ნახევარფაბრიკატები;

ხელნაკეთი სუვენირები;

უკრაინელი ოსტატების მიერ შექმნილი სამკაულები;

სააღდგომო აქსესუარები და მრავალი სხვა.

მისამართი: მიხეილ ჯავახიშვილის ქ. 8 (სამაიას ბაღი)

https://maps.app.goo.gl/NriSkMQdc2FHrndH8

უკრაინული სახლი თბილისში არის ქართულ-უკრაინული პლატფორმის პროექტი, რომელსაც მხარს უჭერენ გაეროს განვითარების პროგრამა საქართველოში და გერმანიის მთავრობა. ყოველდღიურად უკრაინული სახლი ასობით უკრაინელს სხვადასხვა სერვისებს სთავაზობს, მათ შორის ქართული და ინგლისური ენის შემსწავლელი კურსები, საინფორმაციო ჰაბი, ფსიქოლოგიური დახმარება დიდებისთვის და მოზარდებისთვის, უკრაინული ბიბლიოთეკა, უკრაინული კლუბი და ა.შ.“, - აღნიშნულია გავრცელებულ ინფორმაციაში.