ღაზაში ჰუმანიტარული დახმარების მუშაკების დაღუპვით გამოწვეული პაუზის შემდეგ, კვიპროსიდან ღაზის სექტორისთვის ჰუმანიტარული დახმარების მიწოდება განახლდა, - ამის შესახებ ინფორმაციას სააგენტო Reuters-ი კვიპროსელ წყაროზე დაყრდნობით ავრცელებს.

Reuters-ის ცნობით, არაბთა გაერთიანებული საამიროების მიერ გადაცემული ჰუმანიტარული დახმარებით დატვირთულმა მცირე ზომის გემმა ლარნაკის პორტი პარასკევს საღამოს დატოვა და ღაზის სექტორის მიმართულებით გაემართა.

შეგახსენებთ, არასამთავრობო ორგანიზაციამ World Central Kitchen-მა ღაზაში მუშაობა მას შემდეგ შეაჩერა, რაც მიმდინარე თვის დასაწყისში ისრაელის თავდასხმის შედეგად, მისი 7 თანამშრომელი დაიღუპა.