შალვა პაპუაშვილი -  ჩვენი ამოცანაა, საზოგადოებას გავაცნოთ საკონსტიტუციო ცვლილებები და მოტივაცია, თუ რატომ ვფიქრობთ, რომ მნიშვნელოვანია ამ საკითხების კონსტიტუციაში მოწესრიგება

ჩვენი ამოცანაა, საზოგადოებას გავაცნოთ ცვლილებები და მოტივაცია, თუ რატომ ვფიქრობთ, რომ მნიშვნელოვანია ამ საკითხების კონსტიტუციაში მოწესრიგება და მოვისმინოთ მოსახლეობის დამოკიდებულება და მოსაზრებები, - ამის შესახებ პარლამენტის თავმჯდომარემ, შალვა პაპუაშვილმა მესტიაში, საკონსტიტუციო ცვლილებებთან დაკავშირებით საყოველთაო-სახალხო განხილვის საორგანიზაციო კომისიის მოსახლეობასთან შეხვედრაზე განაცხადა.

როგორც შალვა პაპუაშვილმა აღნიშნა, ცოტა ხნის წინ, საპარლამენტო უმრავლესობამ დააინიცირა კონსტიტუციაში ცვლილება და ცალკე კონსტიტუციური კანონის პროექტი ოჯახურ ღირებულებათა და არასრულწლოვანთა დაცვის საკითხებზე.

„ზოგადად, დემოკრატიაში, ისეთში, როგორიც საქართველოა, ძალაუფლების წყარო, ხელისუფლების წყარო არის ხალხი და ხალხი ამ ხელისუფლებას, არჩევნების გზით, პერიოდულობით თავის წარმომადგენლებს გადასცემს მანდატს, ჩვენ შემთხვევაში, ოთხი წლით, რომლებიც უკვე ამ მანდატით აღჭურვილი იღებენ კანონებს, სხვადასხვა გადაწყვეტილებებს, ირჩევენ მთავრობას და ა.შ. ამას ჰქვია წარმომადგენლობითი დემოკრატია. თუმცა, ჩვენი კონსტიტუცია ასევე ითვალისწინებს, რომ არის მომენტები, როდესაც ეს მანდატი არ არის საკმარისი და საჭიროა, კვლავ ხალხთან უშუალო კონსულტაციის გავლა და გადაწყვეტილების ჩამოყალიბება. ჩვენი კონსტიტუციით, ეს ეხება საზოგადოების თანაცხოვრების პრინციპებს, ძირითად ღირებულებებს, ქვეყნის მოწყობის ძირითად სტრუქტურას. ის საკითხები, რაც არის ძირითადი ღირებულებები, ჩვენი თანაცხოვრების ძირითადი პრინციპები, ასახულია კონსტიტუციაში.

ამიტომ, როდესაც ვფიქრობთ, რომ რაღაც დავაზუსტოთ, რაღაც შევცვალოთ და დავაკონკრეტოთ ჩვენ მთავარ თანაცხოვრების პრინციპებში, ამ დროს კონსტიტუციის ცვლილებაზე ვფიქრობთ", - აღნიშნა პარლამენტის თავმჯდომარემ.

შალვა პაპუაშვილის განცხადებით, კომისია ერთი თვის განმავლობაში, 17 მაისამდე საქართველოს სხვადასხვა ქალაქში მოსახლეობასთან შეხვედრებს გამართავს და შემდეგ პარლამენტს წარუდგენს დასკვნას, თუ როგორ ხედავს ხალხი საკონსტიტუციო ცვლილებას და საპარლამენტო განხილვები მხოლოდ ამის შემდეგ დაიწყება.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)