პაატა მანჯგალაძის განცხადებით, გუშინდელი საკომიტეტო განხილვის დროს კიდევ ერთხელ დადასტურდა, რომ „კანონპროექტი არსით, ხორცით, სულით რუსულია და ქმედებებიც არის შესაბამისი“

ხელისუფლებაში ნეობოშევიკებიც არ არიან - ბოლშევიკების პირდაპირი, სულიერი მემკვიდრეები არიან, რაც „რუსული კანონის“ მიღებამ კარგად გამოაჩინა, - აღნიშნული შეფასება მედიასთან პარლამენტის ოპოზიციონერმა წევრმა პაატა მანჯგალაძემ გააკეთა.

მისივე თქმით, გუშინდელი საკომიტეტო განხილვის დროს კიდევ ერთხელ დადასტურდა, რომ „კანონპროექტი არსით, ხორცით, სულით რუსულია და ქმედებებიც არის შესაბამისი“. როგორც მანჯგალაძემ აღნიშნა, პროტესტი გაგრძელდება, რადგან სააქართველოს ჩაბარებას არავინ აპირებს.

„ამ კანონს მოაქვს დაპირისპირება და არა სამოქალაქო მშვიდობა, ხოლო საქართველოს ყველა პატნიორისა და მეგობრის გარეშე ტოვებს. ამ კანონით კმაყოფილი პუტინი და პუტინის რუსეთის წარმომადგენლები არიან. შესაბამისად, კანონი, რომელიც თავისი შინაარსით და მოცემულობით საქართველო აკარგვინებს მეგობრებს და უხურავს ევროკავშირში გაწევრიანების გზას, არის რუსული“, - განაცხადა მანჯგალაძემ.

თითქმის 10-საათიანი მუხლობრივი განხილვის შემდეგ, პარლამენტის იურიდიულ საკითხთა კომიტეტმა “უცხოური გავლენის გამჭვირვალობის შესახებ“ კანონპროექტს მეორე მოსმენით მხარი დაუჭირა.

ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 27.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა