მიხეილ სააკაშვილი - გუშინ აქციაზე საქართველოს შეუმდგარი წარსული იდგა, გუშინწინ - ჩვენი ნათელი მომავალი - მე რომ „ქოცი“ ვიყო, ოქტომბრის შემდეგ მომავალზე სერიოზულად დავფიქრდებოდი

გუშინ აქციაზე საქართველოს შეუმდგარი წარსული იდგა და გუშინწინ - ჩვენი ნათელი მომავალი. გუშინწინდელი დღის შემდეგ, მე რომ „ქოცი“ ვიყო, ოქტომბრის შემდეგ მომავალზე სერიოზულად დავფიქრდებოდი, - აცხადებს საქართველოს ყოფილი პრეზიდენტი მიხეილ სააკაშვილი.

როგორც სოციალურ ქსელ „ფეისბუქის“ საკუთარ გვერდზე სააკაშვილი წერს, ბიძინა ივანიშვილი გუშინ, სიტუაციაზე გაბრაზებული იყო.

„რა მომხვდა თვალში: იმ ხალხის ნახევარი, რომელიც რეგიონებიდან ჩამოიყვანეს, აქციამდე არ მივიდა. აშკარად ბევრად ნაკლები ხალხი იყო მიყვანილი, ვიდრე გუშინწინდელ, თავისით მოსულთა აქციაზე. ივანიშვილის გამოსვლის დროს რუსთაველი ჩააბნელეს, რათა მას არ დაენახა, რომ აქცია იშლებოდა - აქციაზე არ იყო თბილისი და პრაქტიკულად, არ იყო ბათუმი, ქუთაისი, ზუგდიდი, თელავი, გორი. ხალხი ძირითადად იყო ძალიან ღარიბი სოფლებიდან, უმეტესად ხანშიშესული და აშკარად გაჭირვებული ადამიანები, რომლებიც ყველაზე დაუცველები არიან და უარი ვერ თქვეს წამოსვლაზე. ძალიან ბევრმა მასწავლებელმა დადო პოსტი, რომ არ წავიდნენ რუსთაველზე, დიდი მადლობა მათ! ივანიშვილი აშკარად გაბრაზებული იყო სიტუაციაზე, მოტეხილი და შეშინებული. დაიმუქრა, რომ თუ არჩევნებს წააგებს, ყველას დაიჭერს. გუშინწინდელ აქციაზე ყველა იღიმებოდა, გუშინ ყველა ივანიშვილივით გაბრაზებული, ან მოწყენილი იყო. გუშინ აქციაზე იდგა საქართველოს შეუმდგარი წარსული და გუშინწინ ჩვენი ნათელი მომავალი. გუშინწინდელი დღის შემდეგ, მე რომ „ქოცი“ ვიყო, ოქტომბრის შემდეგ მომავალზე სერიოზულად დავფიქრდებოდი“, - წერს სააკაშვილი.

მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
ქართული პრესის მიმოხილვა 27.05.2024
2024 წლის ახალი ტოიოტა ლენდ კრუიზერ პრადო - სულ მალე საქართველოში
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე