სპეცდანიშნულების რაზმმა და სხვა საპოლიციო დანაყოფებმა რუსთაველის გამზირი და პარლამენტის მიმდებარე ტერიტორია დატოვა.

ამ დროისთვის საკანონმდებლო ორგანოსთან მხოლოდ აქციის მონაწილეები რჩებიან, რომლებიც არაერთხელ დაშლის მიუხედავად, კვლავ პარლამენტთან დაბრუნდნენ.

სპეცდანიშნულების რაზმის გაყვანის შემდგომ, პარლამენტის შენობის მიმდებარე ტერიტორიიდან გაიყვანეს წყლის ჭავლის მანქანებიც.

სპეცდანიშნულების რაზმის წარმომადგენლებმა დემონსტრანტების წინააღმდეგ ე.წ. წიწაკის სპრეი, ცრემლსადენი გაზი და წყლის ჭავლი არაერთხელ გამოიყენეს. ბოლოს ე.წ. გაზის კაფსულები რამდენიმე წუთის წინ გაუშვეს.