­­პოლიციელებმა, რომლებიც 9 აპრილის ქუჩაზე იყვნენ განლაგებული, ტერიტორია დატოვეს.

პოლიციელთა გაყვანას აქციის მონაწილეთა მხრიდან შეძახილები მოყვა: „რუსებო, მონებო“.

პოლიციის გასვლამდე კი რამდენი წუთით ადრე პარლამენტის ტერიტორიიდან გაიყვანეს წყლის ჭავლის ავტომანქანები. მანამდე კი ტერიტორია დატოვეს სპეცრაზმის წარმომადგენლებმა.

პარლამენტის მიმდებარე ტერიტორიასთან აქციის მონაწილეები კვლავ რჩებიან. ისინი სკანდირებენ „არა რუსულ კანონს“.