შეერთებული შტატების სახელმწიფო მდივანი, ენტონი ბლინკენი ისრაელში ჩავიდა, სადაც პრემიერ მინისტრ ბენიამინ ნეთანიაჰუსთან და სხვა ოფიციალურ პირებთან მოლაპარაკებებს გამართავს.

ბენიამინ ნეთანიაჰუს ოფისის ინფორაციით, ბლინკენი თავდაპირველად პრეზიდენტ ისააკ ჰერცოგს თელ-ავივში შეხვდება, შემდეგ კი პრემიერ-მინისტრ ნეთანიაჰუს იერუსალიმში.

ამერიკელი დიპლომატი, ვიზიტის ფარგლებში, ასევე შეხვდება თავდაცვის მინისტრს იოავ გალანტს და ეროვნული უსაფრთხოების მრჩეველს ცაჩი ჰანეგბის. ბლინკენი, მოგვანებით, თელ-ავივში ამერიკელი მძევლების ოჯახებს შეხვდება.

ცნობისთვის, ისრაელში ჩასვლამდე ენტონი ბლინკენი იორდანიასა და საუდის არაბეთში იმყოფებოდა.